Makina gu garela dioenean esan nahi duena da web-a pertsonok sortzen dugula. Lotura bat sortzen dugunean, informazioa argitaratzen dugunean makinari irakasten diogu. Web-ak ez du informazioa elkarlotzen soilik, webak pertsonak jartzen ditu harremanetan, pertsonek osatzen dute web-a. Horregatik, pertsonak irakasten dio makinari. Weba pertsonok osatzen dugu, horregatik gu gara makina.
Lehenengo web-ak HTMLn idatziak izan ziren. HTMLa web dokumentu baten egitura definitzeko sortua izan zen, elementu estrukturalek osatzen dute. HTML hedatuz joan zen heinean, elementu gehiago txertatuz joan ziren. Horrela, elementu berriek edukien formatua definitzen zuten eta edukia eta formatua banaezinak ziren HTMLn. Ondorioz, erabiltzaileek kode konplexuak ezagutu behar zituzten testu digitalak sortzeko.
XML lengoaia hegagarria da eta bertan formatua eta edukia banatuta daude, horretarako izan zen sortua. XMLn informazio digitala web-etik libreki mugitu daiteke formatua kontuan izan barik. Horrela, erabitzaileek informazioa sortzeko eta webera igotzeko aukera dute. Eta ez testua bakarrik, argazkiak, dokumentuak eta abar ere elkartrukatzeko aukera ematen du. Ondorioz, formatua edukiarengandik banatuta egonik, erabiltzaileek ez dituzte kode konplexuak ezagutu behar interneten edukiak azaltzeko.
Honegatik guztiagatik bideoan hainbat gauza berriro pentsatzeko eskaintza egiten da. Besteak beste, identitatearen, etikaren, estetikaren, erretorikaren, autoritatearen, pribazitatearen, merkatuaren, maitasunaren eta familiaren inguruan hausnartzera gonbidatzen gaitu. Web 2.0 harremanetan dauden pertsonak osatzen duten espazio berria izanik, horiek bezalako kontzeptuekin web-ean ere kontua izan behar dela esan nahi da.
No hay comentarios:
Publicar un comentario